“Manchester Siti” safarda g‘alabaga erishib, Angliya Kubogi yarim finaliga yo‘l oldi
Futbol bo‘yicha Angliya Kubogining chorak finalida “Manchester Siti” 28-iyun, yakshanba kuni “Nyukasl” maydoniga safar qildi.
Uchrashuvning 37-daqiqasida Kevin de Bryuyne penaltini aniq amalga oshirgan holda “shaharliklar”ni hisobda oldinga olib chiqdi. 68-daqiqada Rahim Sterling uzoq masofadan chiroyli gol urdi va yakuniy hisobni o‘rnatdi.
Shu tariqa “Manchester Siti” kubok yarim finaliga yo‘l oldi. Avvalroq “Manchester Yunayted”, “Arsenal” va “Chelsi” keyingi bosqich masalasini hal qilgandi.
Angliya Kubogi
? final bahsi
28-iyun, yakshanba
Gollar: 0:1 – 37, penalti de Bryuyne, 0:2 – 68 Sterling.
“Nyukasl”: Darlou, Fernandes, Mankilyo, Rouz (Lazaro, 75), Lassels, Longstaff, Heyden (Longstaff, 79), Sen-Maksimen (Yedlin, 74), Almiron (Joelinton, 65), Sher, Kerroll (Geyl, 65).
“Manchester Siti”: Bravo, Mendi, Otamendi, Lyaport, Uoker (Joau Kanselu, 71), Gyundogan, de Bryuyne (Rodri Ernandes, 71), Mahrez (Foden, 64), Silva (Bernardu Silva, 64), Sterling, Gabriel Jezus.
Ogohlantirishlar: Kerroll (61), Joelinton (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Manba: Daryo.uz