Armaniston rossiyalik harbiyning o‘ldirilish sababini ma’lum qildi

Armaniston Janubiy harbiy okrugi vakillari Gyumrida rossiyalik harbiyning o‘ldirilishi taxminiy sababini ma’lum qildi. Bu haqda “Novosti-Armeniya” xabar bermoqda, deb yozadi “Gazeta.ru”.

“Dastlabki ma’lumotlarga ko‘ra, qotillik maishiy asosda sodir etilgan”, — deyiladi Mudofaa vazirligi xabarida.

Rossiyalik harbiy pichoq bilan yetkazilgan jarohat tufayli hodisa joyida halok bo‘lganligi xabar berilmoqda.

Avvalroq Armanistonning Shirak viloyati prokurori Karen Gabriyelyan Gyumrida halok bo‘lgan harbiy xizmatchining shaxsi aniqlanganligi haqida ma’lum qilgan edi. U 21 yoshli Dmitriy Yalpayev ekanligi aniqlangan.