Meksikada noma’lum kimsalar ichida radiatsiya manbasi bo‘lgan konteynerni o‘g‘irlab ketdi

Meksika fuqarolik mudofaasi boshqarmasi 24-aprel, dushanba kuni mamlakatning 9 mintaqasida ichida radioaktiv materiallar bo‘lgan konteyner o‘g‘irlangani sababli xavf holatini e’lon qildi. Bu haqda Meksika ichki ishlar vazirligi ma’lum qildi, deya xabar beradi “TASS”.

Sanoat radiografiyasi bilan shug‘ullanadigan kompaniyaga tegishli konteyner joylashtirilgan avtomobil Xalisko shtatining San-Pedro-Tlakepake munitsipalitetida o‘g‘irlab ketildi.

Rasmiylar konteynerdagi radiatsiya manbasi salomatlik uchun jiddiy xavf tug‘dirishi haqida ogohlantirib, uni topgan taqdirda o‘ta ehtiyot bo‘lishga chaqirdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!