Lautaro Martines A Seriyada shaxsiy rekordini o‘rnatdi

Milanning “Inter” klubi hujumchisi Lautaro Martines A Seriyaning 37-turida doirasida o‘tkazilgan “Napoli”ga qarshi o‘yinda (2:0) o‘z nomiga gol yozdirib qo‘ydi.

Bu 22 yoshli argentinalik futbolchi uchun Italiya chempionatining ushbu mavsumidagi 14-gol bo‘ldi.

Shu tariqa Lautaro milliy chempionatlarda gol urish borasida shaxsiy rekordini o‘rnatdi. Bundan oldin u 2017/18-yilgi mavsumda Argentinaning “Rasing” jamoasi safida 13 ta gol urishga muvaffaq bo‘lgandi.

2019/20-yilgi mavsumda u A Seriyaning 34 ta uchrashuvida maydonga tushib 14 ta goldan tashqari, 7 ta golga hammualliflik qildi.

Qayd etish joiz, Lautaroning xizmatlariga “Barselona” jiddiy qiziqish bildirmoqda. Uning “Inter” bilan shartnomasi 2023-yil 30-iyunida yakuniga yetadi. Futbolchining tovon puli 111 million yevro qilib belgilangan.

Lautaro Martinesning eng sara gollari to‘plamini tomosha qiling (video)

Mavzuga doir: Lautaro yoki Neymar? “Barselona”ga kim ko‘proq zarur?

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!