O‘zbekiston Transport vazirligi turoperatorlar tomonidan tashkil etilayotgan charter reyslar nega qimmat ekanini tushuntirdi

Ijtimoiy tarmoqlarda xorijdagi fuqarolarni O‘zbekistonga olib kelish maqsadida tashkil etilayotgan charter aviareyslar chiptalari xususiy kompaniyalar tomonidan to‘liq sotib olinayotgani va qimmat narxlarda yo‘lovchilarga sotilayotgani yuzasidan turli xabarlar tarqaldi.

Transport vazirligi ma’lum qilishicha, pandemiya tufayli davlatlararo muntazam aviaqatnovlar to‘xtatilgan hozirgi vaqtda xorijdagi fuqarolarni vatanga olib kelish uchun Respublika maxsus komissiyasi tomonidan tasdiqlangan parvozlar jadvaliga muvofiq repatriasion reyslar tashkil etilmoqda.

Shuningdek, maxsus komissiyaning 7-iyuldagi 33-son bayoniga muvofiq, “Koronavirus pandemiyasi davrida O‘zbekistonga/O‘zbekistondan yo‘lovchi tashish bo‘yicha xalqaro aviatashuvlarni tashkil etish to‘g‘risida” vaqtinchalik tartib tasdiqlangan.

Mazkur tartibga muvofiq, karantin davrini faqatgina mehmonxonalarda o‘tkazish sharti bilan turoperatorlar yoki aviakompaniyalarning murojaatiga asosan O‘zbekiston fuqarolari va O‘zbekistonda doimiy yashash joyiga ega bo‘lgan fuqaroligi bo‘lmagan shaxslarni sanitariya-epidemiologiya talablariga qat’iy rioya qilgan holda oldindan fuqarolarni mehmonxonagacha kuzatuv va mehmonxonada joylashtirish xizmatlarini tashkil qilish hisobiga respublikaning barcha xalqaro aeroportlari orqali yetkazib kelish bo‘yicha charter qatnovlarini tashkil qilishga ruxsat berilgan.

Bunday tijoriy parvozlarning amalga oshirilishi ham bevosita Respublika maxsus komissiyasi bilan kelishilgan holda amalga oshiriladi. Bunda Turizmni rivojlantirish davlat qo‘mitasi turoperatorlar tomonidan mamlakatga olib kelinayotgan yo‘lovchilarning karantin qoidalariga qat’iy rioya qilgan holda mehmonxonaga joylashtirilishini to‘liq nazorat qiladi. Turoperatorlar tomonidan aeroport va chegara o‘tkazish punktlari orqali tashkil qilinayotgan tashish va 10 kunlik karantinga joylashtirish xizmatlari uchun to‘lovlar oldindan kelishilishi belgilangan.

“Turoperatorlar va aviakompaniyalar tomonidan tashkil etilayotgan charter qatnovlarining Respublika maxsus komissiyasi tomonidan tasdiqlangan parvozlar jadvaliga muvofiq tashkil etilayotgan repatriatsion reyslarga aloqasi yo‘q”, — deyiladi Transport vazirligi bayonotida.

Turoperatorlar va aviakompaniyalar tomonidan tashkil etilayotgan charter reyslarining nisbatan qimmatligi quyidagi omillar bilan bog‘liq:

Mavzuga doir: