Yangi Zelandiyalik bola burniga kirib qolgan o‘yinchoq mashina qismi bilan ikki yil yurdi

Yangi Zelandiyaning Danidi shahrida yashovchi yetti yoshli Samir Anvar ikki yil oldin Lego konstruktorini yig‘ib, burniga plastik qism solib qo‘ygan, deb xabar beradi “Korrespondent.net”.

Ota-ona bolaning burnidan begona jismni olib tashlolmagan.

“Biz haqiqatda uni tortib olishga urindik, ammo hech nima ololmadik”, – deydi bolaning otasi Mudassir Anvar.

Keyin ota-ona tibbiy yordamga murojaat qilgan. Ammo shifokor Samirni ko‘zdan kechirib, predmet ovqat hazm qilish tizimiga tushgan bo‘lishi, o‘shanda u tabiiy ravishda chiqishini aytgan.

Vaqt o‘tishi bilan oila bu hodisani unutgan.

Ammo yaqinda bola shirinlik yeyayotib, onasiga burnidagi og‘riqdan shikoyat qilgan. Ayol uning burnini yuvgan va Lego o‘yinchoq mashina qismlaridan biri chiqqan.

Mavzuga doir: