Urgutda “Moskvich” haydovchisi velosipeddagi 5 yoshli bolani urib yubordi. Bolakay kasalxonada vafot etdi

Samarqand viloyatining Urgut tumanida “Moskvich” haydovchisi yo‘lni velosipedda kesib o‘tayotgan 5 yoshli bolani urib yubordi. Bu haqda viloyat IIB matbuot xizmati xabar berdi.

Voqea 17-avgust kuni soat taxminan 16:00 larda Urgut tumani “Ipakli” mahallasining ichki yo‘lida yuz bergan. “Moskvich-412”ni boshqarib ketayotgan 29 yoshli M.A. velosipedda yo‘lning o‘ng tomonidan chap tomoniga kesib o‘tayotgan 5 yoshli Z.Sh.ni urib yuborgan.

Bola olgan tan jarohatlari oqibatida tuman tibbiyot birlashmasida vafot etgan.

Mazkur holat bo‘yicha tuman IIO FMB huzuridagi Tergov bo‘limi tomonidan Jinoyat kodeksining 266-moddasi 2-qismi (transport vositalari harakati qoidalarini buzish odam o‘limiga sabab bo‘lishi) bilan jinoyat ishi qo‘zg‘atilib, tergov harakatlari olib borilmoqda.

Mavzuga doir: