» » O‘zbekistonda kasallanganlar kamayishi, tuzalayotganlar ko‘payishi fonida xorijdan shifokorlar kelishi davom etayotganiga izoh berildi

O‘zbekistonda kasallanganlar kamayishi, tuzalayotganlar ko‘payishi fonida xorijdan shifokorlar kelishi davom etayotganiga izoh berildi


Koronavirusga qarshi kurashish shtabi a’zosi Barno Abdusamatova O‘zbekistonda OAVda kasallanganlar soni kamayayotgani, tuzalayotganlar ko‘payishi fonida xorijdan shifokorlar kelayotganini izohladi.

Pandemiya tez rivojlanayotganligi sababli butun dunyo olimlari ham bir joyda to‘xtamayapti, ular doimiy izlanishda. Virusning yangi qirralari hamda yangi davolash usullari ustida muntazam ish olib borilmoqda. Hozirgi kunga kelib kasallar soni, uning kechishi o‘zgarganligi va JSST tavsiyalari kasallikni o‘rgangan sari o‘zgarayotganligi sababli tavsiyalar ham o‘zgarib borishi tabiiy hol. Har bir davlat tavsiyalarni mahalliy sharoitlarga moslashgan holda ishlab chiqadi va har qanday vaqtda uni to‘ldirishi yoki o‘zgartirishi mumkin. Shuning uchun rivojlangan mamlakatlarning malakali mutaxassislari bilan muntazam tajriba almashinib turish hozirgi kun talabi.

Barno Abdusamatova, Koronavirusga qarshi kurashish shtabi a’zosi

Abdusamatovaning ta’kidlashicha, xorijdan kelgan reanimatolog, pulmonolog, infeksionist, virusolog, kardiolog, endokrinolog kabi shifokorlar davolash muassasalarida mahalliy shifokorlar bilan faol ish olib bormoqda.

Ular Epidemiologiya, mikrobiologiya va yuqumli kasalliklar ilmiy tekshirish instituti, Virusologiya ilmiy tekshirish instituti klinikalari, Zangiota tumanidagi yuqumli kasalliklar shifoxonasi, viloyatlardagi ixtisoslashgan shifoxonalarda og‘ir bemorlarni konsultatsiya qilish, o‘zaro tajriba almashish bilan shug‘ullanayotgani qayd etildi. O‘zbekistonlik olimlar yuqori malakali mutaxassislar ishlab chiqqan protokollar, tavsiyalar va bemorlarni kasallik kechishi bo‘yicha saralash algoritmi bilan tanishib chiqmoqda.

Eslatib o‘tamiz, O‘zbekistonga shu vaqtgacha koronavirusga qarshi kurashda yordam berish uchun 10 nafar germaniyalik, 15 nafar xitoylik shifokor va tibbiyot mutaxassisidan iborat guruh, tarkibida anesteziolog, reanimatolog, yuqumli kasalliklar bo‘yicha mutaxassis, epidemiolog, terapevt va kardiolog bor 40 nafar rossiyalik shifokor kelgan bo‘lsa, mart oyining oxiridan boshlab O‘zbekistonda koreyalik professor — epidemiolog Soy Chje Uk, yana bir koreyalik anesteziolog-reanimatolog, bir qancha turkiyalik mutaxassislar, Germaniyaning yetakchi tibbiyot mutaxassislaridan bo‘lmish professor Verner Ber faoliyat yuritgan.

Mavzuga doir:



Manba: Daryo.uz
Опубликовано: admin (22-08-2020, 20:11)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Кто вы по знаку зодиака?

КТО НА САЙТЕ?
( 34) ( 0) ( 32) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют