“Chelsi” 50 mln funt evaziga “Lester” himoyachisini sotib oldi

“Lester” himoyachisi Ben Chiluell faoliyatini “Chelsi”da davom ettiradi. Bu haqda londonliklar rasmiy saytida ma’lum qilindi.

23 yoshli angliyalik futbolchi “Chelsi” bilan 2025-yilga qadar mo‘ljallangan shartnoma imzolagan.

Avvalroq “ko‘klar” himoyachi transferi uchun 50 million funt to‘lashi xabar qilingandi.

Chiluell “Lester” tarbiyalanuvchisi hisoblanib, 2015-yildan buyon asosiy jamoada to‘p surib kelardi. 2019/20-yilgi mavsumda Ben Premyer Ligada 27 o‘yin o‘tkazib, uchtadan gol va golli uzatmaga mualliflik qildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!