Ispaniyalik jurnalist Lionel Messini futbol tarixidagi eng katta sotqinlikda aybladi

Ispaniyalik jurnalist Edu Agirre argentinalik hujumchi Lionel Messining “Barselona”dan ketishni istayotganini keskin tanqid ostiga oldi.

Men uchun Messi futbol tarixidagi eng katta xiyonatni qilmoqda. Messi “Barselona”ni qiyin ahvolda tashlab ketmoqda, u cho‘kayotgan kemadan qochmoqda. U hozir ketmasligi kerak. “Barselona” muxlislari bunga loyiq emas.

Edu Agirre, ispaniyalik jurnalist

Eslatib o‘tamiz, Messi yangi mavsumga jamoa bilan birgalikda mashg‘ulot o‘tkazmayapti va “Barselona”dan ketmoqchi. Klub esa Lionelning fikridan qaytishiga va jamoada qolishiga ishonmoqda.

Shartnomaga ko‘ra, agar Messi mashg‘ulotlarni 11 kundan 30 kungacha o‘tkazib yuborsa, unga maoshining 25 foizi miqdorida jarima solinadi.

Hozirda Messi uchun asosiy da’vogar “Manchester Siti” bo‘lib turibdi.

Gollar to‘plami:

Mavzuga doir:

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!