PSJning yana uch futbolchisida koronavirus aniqlandi

PSJ klubining yana uch nafar vakilida 3-sentabr kuni koronavirus aniqlandi va Parij klubdagi kasallangan soni olti nafarga yetdi.

Kasallikni yuqtirib olgan futbolchilar — Mauro Ikardi, Keylor Navas va Markinyos. Avvalroq Neymar, Anxel di Mariya va Leandro Paredes COVID-19 infeksiyasini yuqtirib olgani xabar qilingandi.

Yuqoridagi futbolchilarning barchasi ta’tilni birgalikda Ibitsada o‘tkazgan.

Eslatib o‘tamiz, parijliklar 10-sentabr kuni Liga 1 musobaqasining 2-turi doirasida “Lans”ga qarshi o‘ynaydi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!