“Liverpul” APL doirasida o‘z maydonida 3 yildan beri yutqazmayapti

“Liverpul” Angliya Premyer Ligasining birinchi turida “Lids”ni mag‘lubiyatga uchratdi (4:3).

Shu tariqa Mersisayd klubining “Enfild”dagi mag‘lubiyatsiz seriyasi (Premyer Liga doirasida) 60 ta o‘yinga yetdi. Jamoa 2017-yilning aprel oyidan beri o‘z maydonida yutqazmayapti.

“Liverpul” o‘tkazilgan 60 ta uy uchrashuvining 49 tasida g‘alaba qozongan, 11 tasida esa murosa yo‘lini tanlagan.

Ma’lumot o‘rnida, Yurgen Klopp boshqaruvidagi jamoa o‘ttiz yillik tanaffusdan keyin 2019/20-yilgi mavsumda musobaqa g‘olibligini qo‘lga kiritgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!