» » Shavkat Mirziyoyev maktab o‘qituvchilarining ko‘pchiligida koronavirus aniqlanayotganini aytdi

Shavkat Mirziyoyev maktab o‘qituvchilarining ko‘pchiligida koronavirus aniqlanayotganini aytdi


O‘zbekiston Prezidenti Shavkat Mirziyoyev 18-sentabr kuni bo‘lib o‘tgan yig‘ilishda mamlakatdagi koronavirus bilan bog‘liq vaziyat haqida gapirdi. Xususan, davlat rahbari maktablar ochilishi bilan bog‘liq vaziyatga to‘xtaldi.

Davlat rahbari maktablarda o‘quv yilining boshlanishi munosabati bilan o‘qituvchilardan koronavirus testi olinayotgani va ularning ko‘pchiligida kasallik aniqlanayotganini ma’lum qildi.

“Biz maktabgacha ta’lim, xalq ta’limi, oliy ta’limda o‘qishni boshlayapmiz. Maktabning har bir ota-onasi bilan gaplashib, talabga qarab chora-tadbirlar qilib, sharoit yaratyapmiz. O‘qituvchilarni test qilganimizda, ming afsus, ko‘pchiligida kasallik chiqyapti. Bu adolatli haqiqat”, — dedi Prezident.

Avvalroq Qashqadaryo viloyati xalq ta’limi boshqarmasi boshlig‘i Abdug‘ani Himmatov “Daryo”ga viloyatda 855 nafar maktab xodimida koronavirus aniqlanganini ma’lum qilgandi. Viloyat Sanitariya va epidemiologiya osoyishtalik markazi bosh vrachi Sobir Murodov ham mazkur ma’lumotni tasdiqlagandi. Biroq Qashqadaryo viloyati Sanitariya-epidemiologik osoyishtalik markazi viloyatda 855 nafar o‘qituvchi koronavirusga chalinganini rad etdi.

Shuningdek, Buxoro viloyatida 13-sentabr holatiga 239 nafar maktab o‘qituvchisi va texnik xodimi koronavirusga chalingani aniqlangandi. Viloyat hokimi o‘rinbosari Mirali Hamroyev esa bu xabarni rad etdi.

Eslatib o‘tamiz, Prezident Shavkat Mirziyoyev koronavirus bo‘yicha “haqiqiy raqamlarni yashirishga urinish jinoiy javobgarlikkacha bo‘lgan qat’iy choralarga olib kelishi mumkin”ligidan ogohlantirgandi.

Mavzuga doir: O‘zbekistonda yuzlab o‘qituvchilarda koronavirus aniqlanmoqda. Lekin SSV barcha holatlarni ham rasmiy statistikaga kiritmayapti



Manba: Daryo.uz
Опубликовано: admin (19-09-2020, 06:25)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Кто вы по знаку зодиака?

КТО НА САЙТЕ?
( 36) ( 0) ( 34) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют