Prezident Shavkat Mirziyoyev O‘ktam Barnoyevning xonadonida bo‘lib, uning oilasiga ta’ziya bildirdi

O‘zbekiston bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari, senator O‘ktam Barnoyev 20-sentabr kuni vafot etgan edi. Prezident Shavkat Mirziyoyev 21-sentabr kuni ta’ziyali xonadonga tashrif buyurdi, Qur’on tilovat qilindi.

Shavkat Mirziyoyev marhumning onasi, rafiqasi va farzandlariga hamdardlik bildirib, sabr-toqat tiladi. Prezident marhumning oilasi, farzandlari doimiy e’tiborda bo‘lishini ta’kidlagan.

“O‘ktam Barnoyevning oila a’zolari davlatimiz rahbariga minnatdorlik bildirib, xalqimizga osoyishtalik, sihat-salomatlik tilab duo qildilar”, — deyiladi Prezident matbuot xizmati axborotida.