Xitoy Janubiy Koreyada THAAD tizimining o‘rnatilishini to‘xtatishni talab qildi

XXR tashqi ishlar vazirligining rasmiy vakili Gen Shuan brifing chog‘ida Xitoy Janubiy Koreya hududida AQShning THAAD raketalarga qarshi mudofaa tizimining o‘rnatilayotganiga qarshi ekanligini bildirdi. Bu haqda “Kommersant.ru” xabar bermoqda.

“Biz tegishli tomonlarni darhol THAAD o‘rnatilishini to‘xtatishga chaqiramiz”, — ma’lum qildi Shuan.

Uning ta’kidlashicha, Xitoyning rasmiy nuqtai nazari o‘zgarmas bo‘lib, Pekin o‘z manfaatlarini himoya qilish yo‘lida barcha zarur choralarni ko‘rishga tayyor.