O‘zbekistonda sezilgan davomli zilzila, natijalari e’lon qilingan “Grin kard”, Berdimuhamedovni 1,5 oydan so‘ng Navro‘z bilan qutlagan Tramp va kunning boshqa qiziqarli xabarlari

3-mayning e’tiborga molik yangiliklari — “Daryo”ning kechki dayjestida.

1. FVV: Zilzila oqibatida jabrlanish va talafotlar kuzatilmadi. Toshkentda sezilgan yer silkinishi epimarkazi Tojikistonda bo‘ldi.

2. 2018-yil uchun “Grin kard” lotereyasi natijalari e’lon qilindi. 2017-yil 30-sentabrga qadar 2017-yil (DV-2017) uchun o‘ynalgan “Grin kard” natijalari bilan tanishish mumkin.

3. Shomahmudovlar oilasiga atalgan haykal Xalqlar do‘stligi bog‘ida 7-may kuni ochiladi. Ayni paytda quruvchilar haykalni qo‘yish uchun poydevorni tayyorlamoqda.

4. Tramp oradan 1,5 oy o‘tib Turkmaniston prezidentini Navro‘z bilan tabrikladi. Tabrikda Amerikada ham ko‘pchilik ushbu yangilanish va uyg‘onish ayyomini nishonlagani qayd etilgan.

5. Xorazmda somon ortilgan yuk mashinasi trolleybus simiga tegib, butunlay yonib ketdi. Hodisa oqibatida jabrlanganlar haqida aniq ma’lumotlar yo‘q.

“Daryo”ning YouTube’dagi rasmiy sahifasiga obuna bo‘ling