Toshkent viloyatida nosoz yo‘l sabab yosh bola hayotdan ko‘z yumgani ma’lum qilindi
Toshkent viloyati Qibray tumani “Chingeldi” mahallasi yo‘llari nosozligi bois ko‘plab yo‘l-transport hodisalari ro‘y berayotgani, shulardan birida yosh bola nobud bo‘lgani haqida “Darakchi” nashri ma’lum qildi, deb yozadi “1news.uz”.
“2015-yilda asfalt yotqizamiz degan va’da bilan kavlab ketilgan yo‘l hamon abgor ahvolda qolmoqda. Shuningdek, fuqarolar murojaatidan ma’lum bo‘lishicha, Samarqand viloyati Kattaqo‘rg‘on tumani “Damariq” mahallasi yo‘llari 30 yildan buyon asfaltlanmagan”, – deyiladi xabarda.
“Andijon viloyati Paxtaobod tumani Qashqir massividagi yangi namunali uylar qurilgan ko‘chalar xarob ahvolda. Qoraqalpog‘iston Respublikasi Beruniy shahri Xoncharbog‘ ko‘chasi yo‘llari yog‘in-sochin payti botqoqlikka o‘xshab qoladi. Jizzax viloyati Sharof Rashidov tumani markaziy yo‘li o‘ta ta’mirtalab ahvolda”, – deb ta’kidlanmoqda “1news.uz” xabarida.
“Daryo” yangiliklarini “Odnoklassniki”da kuzatib boring