Shifokor huzuriga yo‘l olgan britaniyalik momo Shotlandiyaga ketib qoldi

Buyuk Britaniyaning Vustershir grafligida yashovchi 83 yoshli Valeri Jonson avtomobilida shifokor huzuriga ketayotganida adashib Shotlandiyaga yo‘l oldi. Momo o‘n kilometrli masofa o‘rniga 480 kilometrdan oshiq yo‘l bosdi, deb xabar beradi Motor.

Valeri Jonson uyi atrofida yo‘l-ta’mir ishlari olib borilayotgani sababli chalg‘idi. Boshqa tomonga ketib qolgach, Shotlandiya chegarasiga qarab harakatlanishni davom ettirdi.

Oradan sakkiz soat o‘tib, Larkxoll shaharchasiga yetganida yoqilg‘isi tugadi va yordam so‘rab mahalliy aholiga murojaat etdi.

Ular politsiya va har ehtimolga qarshi, tez tibbiy yordamga qo‘ng‘iroq qildi. So‘ng birgalikda momoning yaqinlarini kutib oldi.

“Daryo”ning YouTube’dagi rasmiy sahifasiga obuna bo‘ling