Tramp maxfiy axborot chiqib ketishida o‘z maslahatchisini gumon qilmoqda

AQSh prezidenti Donald Tramp o‘zining strategik masalalar bo‘yicha maslahatchisi Stiv Bennonni Oq Uy xodimlari haqidagi maxfiy axborotning oshkor etilishida gumon qilmoqda. Bu haqda, AQSh matbuotiga tayanib, “Gazeta.ru” xabar bermoqda.

Nashrning manbalariga asoslanib bildirishicha, Tramp o‘z yordamchilariga Bennon “o‘zini reklama qilishi”dan to‘yganini, Oq Uy devoni boshlig‘i etib Jon Kelli tayinlanganidan buyon Bennon prezidentning yonida kam vaqtini o‘tkazayotganini aytgan.

Turli manbalar prezidentning milliy xavfsizlik bo‘yicha maslahatchisi Gerbert Makmaster haqidagi shovshuvli ma’lumotlar tarqab ketishiga aynan Stiv Bennon aybdorligini bildirmoqda.

“Daryo”ning YouTube’dagi rasmiy sahifasiga obuna bo‘ling