Erdo‘g‘on Germaniyadagi turklarni Merkel va Shulsga ovoz bermaslikka chaqirdi

Turkiya prezidenti Rajab Toyyib Erdo‘g‘on Germaniyada istiqomat qiluvchi turklarni bo‘lib o‘tadigan saylovlarda kansler Angela Merkel hamda Sotsial-demokratik partiya yetakchisi Martin Shulsga ovoz bermaslikka chaqirdi. Bu haqda “RIA Novosti” xabar bermoqda.

“Ayni paytda Germaniyada Sotsial-demokratik partiya va Xristin-demokratik ittifoq Turkiyani tanqid qilsam, ko‘p ovoz to‘playman deb o‘ylaydi. Germaniyadagi barcha vatandoshlarga aytaman, bu partiyalarni hech qachon qo‘llab-quvvatlamang. Ularni va “yashillar”ni qo‘llab-quvvatlamang. Ularning bari — Turkiyaning dushmanlari”, — dedi Erdo‘g‘on Istanbulda jurnalistlar bilan uyushtirilgan suhbatda.

U Turkiyaga dushmanlik kayfiyatida bo‘lmagan germaniyalik siyosatchilarni qo‘llab-quvvatlash lozimligini ta’kidlab o‘tdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!