Bangladeshda bosh vazirga suiqasd uyushtirgan o‘n kishi qatl etiladi

Bangladesh maxsus tribunali 2000-yili mamlakat bosh vaziri Shayx Xasinaga suiqasd uyushtirgan o‘n kishini o‘lim jazosiga hukm etdi. Bu haqda “Korrespondent.net” xabar bermoqda.

Agentlik ma’lumotlariga qaraganda, sudlanganlarning yana to‘qqiz nafari turli muxlatga qamoq jazosiga hukm etildi.

2000-yili fitnachilar bosh vazir mitingda chiqish qilishi oldidan 75 kilogrammli bomba o‘rnatgan edi. Ammo ushbu uskuna chiqish oldidan tekshiruv o‘tkazgan politsiya xodimlari tomonidan aniqlangan va zararsizlantirilgan edi.

Shayx Xasina Vazed Bangladesh bosh vaziri lavozimini 1996–2001-yillar orasida egallab turgan. 2009-yili u bu lavozimga qayta saylangan bo‘lib, hozir ham o‘z vazifasini ado etishda davom etmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!