Johnson & Johnson saratonga chalingan amerikalik ayolga 417 mln dollar tovon puli to‘laydi

AQSh fuqarosi Eva Echeverriya Johnson & Johnson kompaniyasini saraton bilan xastalanib qolishiga sababchi bo‘lganlikda ayblab, unga qarshi da’vo bo‘yicha 417 million dollar undirib oldi, deb yozadi TJournal.

Kompaniya sudda birinchi marta bunday summaga yutqazib qo‘ydi, ammo sud hukmiga qarshi da’vo arizasini bermoqchi.

Ayol Johnson’s Baby Powder (intim gigiyena uchun bolalar prisipkasi)ni ko‘p yillar davomida ishlatgani uchun tuxumdon saratoniga chalingani tufayli kompaniyani aybladi. Los-Anjeles Oliy sudi maslahatchilari Echeverriyaga yon bosdi va yetkazilgan zarar uchun kompaniyadan 417 million dollar undirib olish haqida qaror qabul qildi.

Eslatib o‘tamiz, avvalroq Amerikaning Johnson & Johnson kompaniyasiga uning talkli mahsulotini ishlatgandan so‘ng saratonga chalinib qolgan Virjiniya shtati fuqarosiga tovon puli sifatida 110 million dollar to‘lash majburiyati yuklatilgan edi.

“Daryo” yangiliklarini “Odnoklassniki”da kuzatib boring