AQSh harbiy vertolyoti Yaman qirg‘oqlari yaqinida halokatga uchradi

AQSh Qurolli kuchlariga tegishli Black Hawk vertolyoti Yaman qirg‘oqlari yaqinida halokatga uchradi. Bu haqda Reuters agentligi AQSh harbiy kuchlarining markaziy qo‘mondonligiga asoslanib ma’lum qildi, deb xabar berdi “Gazeta.ru”.

Idoraning ma’lumotlariga ko‘ra, vertolyot bortida bo‘lgan besh nafar harbiy qutqarilgan, yana bir xizmatchini qidirish bo‘yicha ishlar davom etmoqda.

Aniqlanishcha, noxush hodisa Yaman janubiy qirg‘og‘idan 32 kilometr narida sodir bo‘lgan. Markaziy qo‘mondonlik ushbu voqeaga nisbatan tergov harakatlarini boshlagan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!