“Irma” to‘foni Gavanaga yopirildi

Karib havzasida turgan shiddatli “Irma” to‘foni Kubaga yopirildi. Bu haqda “Izvestiya” xabar bermoqda.

9-sentabr kuni Gavananing Malekon sohilbo‘yiga yopirilgan to‘fon tufayli sakkiz kilometrli hudud yopildi, odamlar evakuatsiya qilindi.

To‘fon epitsentri Gavanadan 200 kilometr uzoqlikda, shunga qaramay, shaharda kuni bilan shamol esib, kuchli yog‘ingarchilik davom etmoqda.

Dengiz bo‘yi hududlari suv ostida qolib ketdi. Shaharning ko‘p tumanlarida elektr ta’minoti, telefon aloqasi uzildi.

10 ming kishi evakuatsiya qilindi. Xose Marti nomidagi aeroporti yopib qo‘yildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!