Putin ijevsklik ayolga sovg‘a qilgan Sochiga yo‘llanma qiymati ma’lum qilindi

Ijevskda yashovchi fuqaro Anastasiya Votinseva va uning oila a’zolariga prezident Vladimir Putin sovg‘a qilgan Sochiga yo‘llanma 1,37 million rublga tushdi. Bu haqda “MK.ru” xabar bermoqda.

Sayohat federal budjetdan moliyalashtirilganligi ta’kidlanmoqda. Sanatoriya-kurort xizmatlari 1,3 million rublga baholandi, yana 63,4 ming rubl ko‘ngilochar va dam olish sohasidagi xizmatlarga ketdi, 3,6 ming rubl esa quruqlikdagi transport yordamida shahar ichida va uning atrofidagi yo‘lovchi tashish xizmatlari uchun sarflandi.

Votinseva Putinga yashash sharoitlaridan shikoyat qilgan edi, davlat rahbari esa shaharga tashrifi davomida unikida mehmon bo‘ldi.

“Daryo” yangiliklarini “Odnoklassniki”da kuzatib boring