Filippin qirg‘oqlaridan noma’lum jonzot topildi

Filippindagi Maasin shahrining qirg‘oqlariga uzunligi 10 metr keladigan noma’lum jonzotning jasadi oqib kelib qoldi. Bu haqda Metro’ga tayanib, “Korrespondent.net” xabar berdi.

Ta’kidlanishicha, ushbu jonzotni mahalliy aholidan biri ko‘rib qolgan.

Ushbu g‘alati jonzotning tanasi juda kuchli chirib ketganligi sabab Filippin hukumati hozircha uning turini aniqlay olmadi.

Shu bilan birga mahalliy baliqchilik va suv resurslari byurosi vakili Yulius Alpinoning aytishicha, ushbu hayvon aslida kit, biroq buni to‘g‘ridan to‘g‘ri isbotlovchi dalillar mavjud emas.

Noma’lum jonzotning jasadini dengizga ko‘mishga qaror qilindi, chunki uning qoldiqlari odamlar uchun xavfli bo‘lishi mumkin.

“Daryo”ning YouTube’dagi rasmiy sahifasiga obuna bo‘ling