Kogonda yelim idishlar ishlab chiqarish sexi yonib ketdi

Buxoro viloyatining Kogon tumanidagi ishlab chiqarish sexlaridan birida 24-sentabr kuni yong‘in yuz berdi. Bu haqda O‘zbekiston IIV matbuot xizmati xabar bermoqda.

Xabar berishlaricha, tumandagi “Bahor Plastiks” kompaniyasiga qarashli yelim idishlar ishlab chiqarish sexida granula eritish pechining dudburoni qizib ketishi natijasida yong‘in sodir bo‘lgan.

Baxtsiz hodisa oqibatida sexning 180 kvadrat metr maydonda tomi va shift qismi yonib zararlangan. “Tan jarohati olganlar yo‘q”, — deyiladi IIV axborotida.

“Daryo” yangiliklarini “Odnoklassniki”da kuzatib boring