“Turkiston” saroyida Toshkent yeparxiyasining 145 yilligi munosabati bilan tadbir bo‘lib o‘tdi

“Turkiston” saroyida 1-oktabr kuni Toshkent yeparxiyasining 145-yilligi munosabati bilan tadbir tashkil etildi. Tadbirda davlat va jamoat tashkilotlari, diplomatik korpus vakillari, xorijlik mehmonlar va xristian diniga e’tiqod qiluvchi fuqarolar ishtirok etdi, deb xabar beradi O‘zA.

O‘zbekiston Prezidenti Shavkat Mirziyoyevning Toshkent yeparxiyasining 145 yilligi munosabati bilan tabrigini Prezidentning davlat maslahatchisi R. Komilov o‘qib eshittirdi.

Moskva va Butun Rus Patriarxi Kirill, Toshkent va O‘zbekiston yeparxiyasi rahbari mitropolit Vikentiy mamlakatda millatlararo totuvlik va diniy bag‘rikenglikni mustahkamlash, yoshlarni yuksak ma’naviyatli insonlar etib tarbiyalash maqsadida keng ko‘lamli ishlar amalga oshirilayotganini ta’kidladi. O‘zbekistonda dinlararo faol muloqot maydoni yaratilgani jamiyatdagi barqarorlikning muhim omili bo‘lib xizmat qilayotgani qayd etildi.

Tadbirda O‘zbekiston va Rossiya san’at ustalari, yosh ijrochilar ishtirokida konsert namoyish etildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!