Toshkentda “Ma’rifat” targ‘ibotchilar jamiyati a’zolariga a’zolik guvohnomalari topshirildi

7-oktabr kuni O‘zbekiston Respublikasi Prezidenti huzuridagi Davlat boshqaruv akademiyasida Ma’naviyat va ma’rifat markazi qoshida tashkil etilgan “Ma’rifat” targ‘ibotchilar jamiyatining taqdimot tadbiri bo‘lib o‘tdi. Bu haqda Ma’naviyat va ma’rifat markazi axborot xizmati xabar bermoqda.

Taqdimotda Respublika va Toshkent shahri kesimidagi oliy o‘quv yurtlaridan 100 nafarga yaqin olimlar, professorlar, dotsentlar, O‘zbekiston xalq artistlari va ijodkor ziyolilardan iborat keng malaka va tajribaga ega bo‘lgan targ‘ibotchilar ishtirok etdi.

Tadbirda “Ma’rifat” targ‘ibotchilar jamiyatining ilk a’zolariga tantanali ravishda a’zolik guvohnomalari topshirildi.

“Daryo”ning YouTube’dagi rasmiy sahifasiga obuna bo‘ling