Toshkent yuridik kollejiga yangi direktor tayinlandi

O‘zbekiston Respublikasi Adliya vazirligi huzuridagi Toshkent yuridik kollejiga yangi rahbar tayinlandi. Bu haqda “Telegraf.uz” xabar bermoqda.

Joriy yilning 7-oktabridan e’tiboran kollejga Vosit Ergashev rahbarlik qilmoqda.

Ma’lumot uchun, Vosit Ergashev 1978-yil Samarqand viloyatida tavallud topgan, yuridik fanlari nomzodi. Toshkent yuridik universitetida prorektor, keyinroq kafedra mudiri lavozimlarida ishlagan.

Avvalroq, ish faoliyatida yo‘l qo‘ygan jiddiy xato va kamchiliklari uchun Toshkent yuridik kolleji direktori Natalya Temirova “Ikkinchi darajali adliya maslahatchisi” maxsus unvon-martaba darajasidan mahrum qilinib, egallab turgan lavozimidan ozod etilgan edi.

Mavzuga doir: Toshkent yuridik kollejida ikki o‘quvchi kollejdoshi tomonidan pichoqlandi, ulardan biri vafot etdi

“Daryo”ning YouTube’dagi rasmiy sahifasiga obuna bo‘ling