Kelishilgan o‘yin va undagi gol qanday bo‘ladi? Ramzan Qodirov master-klass ko‘rsatadi (video)

Rossiya prezidenti Vladimir Putin 65 yoshni qarshi olgan kunda, Italiya futboli faxriylari tashrif buyurib, Ramzan Qodirov boshchilik qilgan “Lider—65” jamoasiga qarshi o‘rtoqlik o‘yinida maydonga tushgandi.

6:3 hisobida rossiyaliklarning g‘alabasi bilan yakuniga yetgan o‘yinda Ramzan Qodirov 1 ta golli pas berib, o‘zi ham raqib postiga gol urishga muvaffaq bo‘lgandi. Quyidagi videoda o‘sha pas va o‘sha gol aks etgan.

Mazkur bellashuvni kelishilgan deyishga asos yo‘q. Bayram o‘yini, futbolchilarning kayfiyati yaxshi ekanidan kelib chiqilsa, hammasi joyida. Ammo nafaqat “Lider—65”, balki italiyalik futbolchilar ham Ramzan Qodirov uchun o‘ynaganini payqash qiyin emas.

“Daryo”ning YouTube’dagi rasmiy sahifasiga obuna bo‘ling