Kataloniya rahbari Ispaniya rasmiylariga muloqotni boshlashni taklif qildi

Kataloniya rahbari Karles Puchdemon Madridning talabini bajarish va mintaqa mustaqillikni e’lon qilgan yoki yo‘qligini aniq aytishdan bosh tortdi. Bu haqda Meduza xabar bermoqda.

Puchdemon Ispaniya bosh vaziri Mariano Raxoyga maktubida Kataloniya va Madrid o‘rtasida ikki oylik muloqotni boshlashni taklif qildi.

Shuningdek, mustaqillik to‘g‘risidagi referendum o‘tkazilgani sababli “Kataloniya xalqi va hukumatiga qarshi repressiyalar”ni to‘xtatishga chaqirdi.

Madrid hozircha Puchdemonning bayonotiga hech qanday munosabat bildirmadi. 16-oktabr kuni Ispaniya rasmiylari tomonidan Kataloniya rahbariga mustaqillik to‘g‘risidagi deklaratsiya yuzasidan javob berish uchun ajratilgan muhlat yakuniga yetadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!