Davlat bojxona qo‘mitasi Telegram’da rasmiy axborot kanalini ochdi

O‘zbekistonda va uning tashqarisidagi axborot foydalanuvchilariga yanada kengroq qulayliklar yaratish maqsadida Davlat bojxona qo‘mitasi Telegram messenjerida o‘zining rasmiy yangiliklar kanalini ishga tushirdi. Bu haqda qo‘mita axborot xizmati xabar bermoqda.

Endilikda qo‘mita saytida e’lon qilib borilayotgan yangilik, e’lon va bojxona sohasiga oid me’yoriy-huquqiy hujjatlarning qisqacha anonsi va ular joylashtirilgan manzili qo‘mitaning Telegram’dagi rasmiy axborot kanaliga ham joylashtirib boriladi.

Yangilik bilan batafsil tanishmoqchi bo‘lgan o‘quvchi esa avtomatik tarzda bojxona qo‘mitasining rasmiy saytidagi havolaga o‘tishi va o‘zi uchun kerakli ma’lumotlar bilan to‘liq tanishish imkoniyatiga ega bo‘ladi.

“Daryo” yangiliklarini “Odnoklassniki”da kuzatib boring