JCh—2018. Italiya mundialga borishi uchun Shvetsiyani, Xorvatiya esa Gretsiyani yengishi kerak bo‘ladi

JCh—2018 uchun saralash bosqichini o‘z guruhida 2-o‘rinda yakunlagan mamlakatlar pley-offdagi raqiblarini bilib oldi.

Qur’a tashlash marosimi FIFAning yangi reytingidan keyin — 17-oktabr kuni bo‘lib o‘tdi. Unda Italiya JCh yo‘lida Shvetsiya qarshiligini sindirishi kerakligi ma’lum bo‘ldi. Xorvatlarga Gretsiya raqib bo‘ldi. Portugaliya bilan teng kurash olib borgan Shveysariya endilikda Shimoliy Irlandiya bilan o‘ynaydi. Daniya esa Irlandiyaga qarshi hisob-kitob qiladi.

Pley-offning ilk uchrashuvlari 9—11-noyabr kunlari bo‘lib o‘tadi. Javob uchrashuvlari esa 12—14-noyabr sanalariga tayin qilingan.

JCh—2018 da ishtirok etishi aniq bo‘lgan mamlakatlar:
Rossiya, Braziliya, Eron, Yaponiya, Meksika, Belgiya, Janubiy Koreya, Saudiya, Germaniya, Angliya, Ispaniya, Nigeriya, Kosta-Rika, Misr, Polsha, Islandiya, Serbiya, Portugaliya, Fransiya, Urugvay, Argentina, Kolumbiya, Panama.

“Daryo”ning YouTube’dagi rasmiy sahifasiga obuna bo‘ling