Shoygu Suriyaning 500 ming kvadrat kilometr hududi ozod etilganini bildirdi. Suriyaning hududi uch barobar kichkina

Rossiya mudofaa vaziri Sergey Shoygu Rossiyaning Suriyadagi operatsiyasi chog‘ida mamlakatning 503 223 kvadrat kilometr hududi ozo qilinganini aytdi. Bu haqda Meduza xabar bermoqda.

Suriyaning butun maydoni 185 ming kvadrat kilometr atrofida, ya’ni “ozod qilingan” hududdan taxminan 2,7 barobar kichkina.

Shoygu, shuningdek, hisobot chog‘ida 998 aholijoy ozod qilinganini, terrorchilarning 948 mashg‘ulot lagerlari va 1,5 ming harbiy texnika birligi yo‘q qilinganini ta’kidladi.

Uning so‘zlariga qaraganda, Suriya hududining 5 foizi IShID nazorati ostida qolmoqda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo” yangiliklarini Facebook’da kuzatib boring