Lamborghini kelajak superkarini namoyish etdi

Lamborghini kompaniyasi yuqori texnologiyalarga asoslangan Terzo Millennio nomli “kelajak sportkari” konsepsiyasini taqdim etdi. Avtomobil karbon kuzov va superkondensatorli dvigatelga ega bo‘ladi. Bu haqda “Korrespondent.net” xabar berdi.

Xabar qilinishicha, Massachusets texnologiya instituti bilan hamkorlikda yaratilgan mashinaning asosiy vazifasi energiya tejovchi yangi texnologiyalar va materialshunoslikning imkoniyatlarini namoyish qilish hisoblanadi.

Avtomobil hamma joyda qo‘llanilgan karbon hisobiga yengil bo‘ladi. Bundan tashqari, unda ko‘plab inqilobiy texnologiyalar mavjud.

Ishlab chiqaruvchi avtomobilni “innovatsion superkondensatorlar”dan quvvat oladigan to‘rtta elektr motor bilan jihozlashni rejalashtirmoqda.