Dubaydagi “Mars shahri”da butun dunyodan borgan olimlar joylashadi

Dubayda tashkil etiladigan Mars Scientific City shahrida xalqaro olimlar guruhi Marsdagi gipotetik hayotni o‘rganish bilan shug‘ullanadi. Shahar shu maqsadlar yo‘lida quriladi, deb xabar beradi “RIA Novosti”.

Dubai Airshow aviasaloni davomida BAA kosmik agentligi vakillari shahar olimlari Marsda oziq-ovqat saqlash imkoniyatlarini o‘rganishini ma’lum qildi:

“Bu ilmiy shahar bo‘ladi, unda Marsda suv, energiya va oziq-ovqat mahsulotlari saqlash imkoniyatlari o‘rganiladi. Bu vazifalar yo‘lida butun dunyodan to‘plangan xalqaro olimlar gurih ishlaydi”, — dedi agentlik vakillari

“Mars shahri” maydoni 170 ming kvadrat metrdan oshadi. Loyiha qiymati 500 million dirhamga (136 million dollar atrofida) baholanmoqda.