Rossiya va Saudiya S-400 komplekslarini yetkazib berish bo‘yicha uzil-kesil kelishuvga erishdi

Rossiya va Saudiya Arabistoni S-400 komplekslarini yetkazib berish bo‘yicha podshoh Salmon bin Abdulazizning oktabr oyi boshida Moskvaga tashrifidan so‘ng uzil-kesil kelishib oldi. Bu haqda “Vedomosti” xabar bermoqda.

Rossiya harbiy-texnik hamkorlik bo‘yicha federal xizmatiga ko‘ra, Ar-Riyodga S-400 “Triumf” zenit-raketa tizimlarini yetkazish bo‘yicha shartnoma joriy yil may oyida tuzilgan. Biroq podshoh Salmonning Moskvaga tashrifidan keyingi muzokaralardan so‘ng ular yakuniga yetkazildi.

Nashr manbasi gap qiymati 2 milliard dollardan yuqori bo‘lgan 4 ta tizim (divizion) yetkazib berish haqida ketayotganligini bildirdi.