Yamanda fransiyalik ikki ayol jurnalist ozod qilindi

Saudiya Arabistoni boshchiligidagi arab koalitsiyasi Yamanning isyonchi-xusiylar nazoratidagi hududida yo‘qolib qolgan fransiyalik ikki ayol jurnalistni ozod qildi. Bu haqda “RIA Novosti” xabar bermoqda.

Jurnalistlar Ar-Riyoddagi aviabazaga keltirilgani bildirilmoqda.

Al Arabiya telekanaliga ko‘ra, Saada viloyatidan Xadja viloyatiga yo‘l olgan ikki ayol 2-noyabr kuni o‘g‘irlab ketilgan.

Shu bilan birga, Gulf News nashri jurnalistlar o‘g‘irlanmagani, balki Yaman shimolidagi harbiy hudud yaqinida ruxsatsiz sayyohat qilganini ma’lum qildi. Ular inson huquqlari bo‘yicha missiya tarkibiga kirgan.