London Brexit to‘lovlari bo‘yicha Yevroittifoq sammitiga taklif kiritadi

Buyuk Britaniya Yevropa Ittifoqining 14–15-dekabr kunlari bo‘lib o‘tadigan sammitida Brexit doirasidagi moliyaviy majburiyatlari yuzasidan takliflar kiritadi. Bu haqda “Yevropeyskaya pravda” xabar bermoqda.

“Biz Yevroittifoqqa mazkur sammit chog‘ida taklifimizni kiritamiz”, — dedi Britaniya moliya vaziri Filip Xammond.

O‘tgan hafta mamlakat bosh vaziri Tereza Mey Yevroittifoq yetakchilari bilan Gyoteborg sammitida uchrashib, Britaniya 16 oydan so‘ng blokdan chiqish payti qancha pul to‘lashi kerakligi masalasini hal qilishga yana bir bor urinib ko‘rdi.