Toni Bler Brexit sababli Britaniya siyosatiga qaytishini bildirdi

Buyuk Britaniya sobiq bosh vaziri Toni Bler mamlakat Yevroittifoq tarkibidan chiqishi bilan bog‘liq xavotir sababli faol siyosiy hayotga qaytadi. Bu haqda Mirror nashriga tayanib, “TASS” xabar bermoqda.

“Brexit siyosatda faolroq ishtirok etishimga bevosita turtki berdi. Tarixiy paytlarda sukut saqlab o‘tirishni istamayman, bu mamlakat taqdiriga beparvo ekanligimni anglatgan bo‘lar edi. Aslida esa unday emas”, — deya ta’kidlagan Bler. 

Buyuk Britaniya hukumatini 10 yil — 1997-yildan 2007-yilgacha boshqargan Blerga ko‘ra, Brexit, shuningdek, Yevroittifoq va Buyuk Britaniya o‘rtasida erkin savdo haqidagi kelishuvning tuzilishi qirollikka zarar yetkazishi mumkin.

“Daryo”ning Telegram’dagi rasmiy kanali — @toshqindaryo’ga a’zo bo‘ling!