AQShda kursxaar zotiga mansub it ovchini otib qo‘ydi

AQShda ov paytida it miltiq orqali ovchilardan birini otib qo‘ydi. Bu haqda “Korrespondent.net” xabar bermoqda.

Lebanon shahri (Nyu-Gemshir shtati) istiqomat qiladigan 36 yoshli Uilyam Renkurt uch do‘sti bilan qirg‘ovul ovlayotgan vaqti orqasiga yerda yotgan 12 kalibrli ov miltig‘ining sochma o‘qi kelib tekkan.

Noxush hodisaga taxminan 20 metr uzoqlikda yotgan miltiqning tepkisini to‘satdan bosib yuborgan it sababchi bo‘lgan. Jabrlanuvchi shifoxonaga yetkazilgan. Qolgan ovchilar jabrlanmagan.

Ta’kidlanishicha, ovchilar bilan bir nechta it bo‘lgan, ularning bari qisqa junli kursxaar zotiga mansub edi.