Tramp ma’muriyati AQSh milliy xavfsizlik strategiyasini tayyorlamoqda

AQSh prezidenti Donald Tramp ma’muriyati keyingi bir necha hafta ichida birinchi marta mamlakat milliy xavfsizlik strategiyasini taqdim etishni rejalashtirmoqda. Bu haqda, The Wall Street Journal gazetasiga asoslanib, “Vedomosti” xabar bermoqda.

Aytilishicha, strategiyada Shimoliy Koreya yadroviy quroli, xalqaro terrorchilik hamda Eronning o‘z mintaqasidagi harakatlari masalalari ko‘rib chiqilib, AQShning ularga yondashuvi aks ettiriladi. Shuningdek, Xitoyning Osiyoda nufuzi oshayotgani hamda Rossiyaning G‘arb bilan ziddiyatlari haqida so‘z boradi.

Strategiya, shuningdek, AQSh qanday shartlarda xalqaro alyanslarda ishtirok etishini belgilab beradi.