CNN: Amerikaliklarning deyarli yarmi AQSh elchixonasi Quddusga ko‘chirilishiga qarshi chiqmoqda

Amerikaliklarning deyarli yarmi (49 foizi) AQSh elchixonasini Tel-Avivdan Quddusga ko‘chirmaslik lozim, deb hisoblamoqda. CNN telekanali o‘tkazgan so‘rov natijalari shundan dalolat berdi, deya xabar bermoqda “Kommersant.ru”.

AQSh prezidentining diplomatik vakolatxonani ko‘chirish bo‘yicha tashabbusini fuqarolarning 36 foizi qo‘llab-quvvatladi.

So‘ralganlarning uchdan ikki qismi AQSh Isroil — Falastin mojarosida hech bir tomonda turmasligi kerak deb hisoblaydi.

Qo‘shma Shtatlar ikki tarafdan birini tanlashi kerakligini yoqlaydiganlar orasida 24 foizi Isroilni, 2 foizi esa Falastinni ma’qul ko‘rdi.