Eng uzoq ishlagan Mirsodiqov ketdi. Oliy Liga klublarini bosh murabbiylar qanchadan buyon boshqarib kelayotgandi?

Bekobodning “Metallurg” klubidan iste’foga chiqarilgan Rustam Mirsodiqov Oliy Liganing 15 ta klubidan birini eng uzoq vaqt davomida boshqarib kelayotgandi. Bu haqdagi statistika “Championat.asia” saytida ko‘rinish bergan.

2008-yilning 1-yanvar kuni jamoani qabul qilib olgan Rustam Mirsodiqov faoliyatining 3646-kunida ishdan olindi.

Eng qisqa muddat ishlagan murabbiy esa Igor Shkvirindir. “Olmaliq”dagi uzoq yillik faoliyatidan keyin jamoadan chetlashtirilgan murabbiy, Jizzaxning “So‘g‘diyona” klubida 143 kundan buyon mehnat qilib kelmoqda.

Quyidagi jadvalda Oliy Liganing 14 ta futbol klubi keltirib o‘tilgan. Toshkentning “Obod” jamoasi chempionatdan chetlashtirilgani uchun, u inobatga olinmagan. Mazkur klublar bosh murabbiylari qanchadan buyon faoliyat olib borayotganini ro‘yxatdan bilib olish mumkin.