Ukraina bosh vaziri Rossiyaga Qrimdagi harbiy texnika qatori yarim orolni ham qaytarishni taklif qildi

Ukraina bosh vaziri Vladimir Groysman Rossiya prezidenti Vladimir Putinning Kiyevga Qrimdagi harbiy texnikani qaytarish taklifiga izoh berdi, deb yozadi “Vedomosti”.

“Rossiya prezidentiga muqobil taklif — flot bilan birga Qrimni ham qaytarishni taklif qilaman. Bajonidil qabul qilishga tayyormiz”, — dedi Groysman.

Ukraina TIV vakili texnikani qaytarish ehtimoli ko‘rib chiqilayotgani, biroq masala “ko‘p qirrali” ekanligini ta’kidladi.

Mamlakat harbiy-dengiz kuchlari qo‘mondoni Igor Voronchenko esa Qrimdagi texnika, xususan, kemalar “xarob holatda” ekanligini rad etdi.