Netanyaxu Isroilni istalgan chegarada tan olishdan bosh tortgan Falastin yetakchisini tanqid qildi

Isroil bosh vaziri Binyamin Netanyaxu 15-yanvar, dushanba kuni yahudiy davlatini har qanday chegarada tan olishdan bosh tortgan Falastin yetakchisi Mahmud Abbosni tanqid qildi. Siyosatchi bayonotini uning matbuot xizmati tarqatdi, deb yozadi “TASS”.

14-yanvar, yakshanba kuni Falastin prezidenti Falastinni ozod qilish tashkiloti Markaziy kengashining Ramalladagi favqulodda majlisida AQSh va Isroilni keskin tanqid qilib, ularni tinchlik jarayonini buzishda aybladi.

“Abbos butun haqiqatni oshkor qildi va keng jamoatchilikka oddiy haqiqatni namoyish etdi: biz (isroilliklar) va falastinliklar o‘rtasidagi mojaro sababi ularning yahudiy davlatini har qanday chegarada tan olishdan keskin bosh tortishidadir”, — deydi Netanyaxu.