Viktor Yanukovich Ukrainaga qaytish niyatida ekanligi ma’lum qilindi

Ukrainaning sobiq prezidenti Viktor Yanukovich mamlakatga qaytish niyatida. Bu haqda uning advokati Vitaliy Serdyuk ma’lum qildi, deya xabar beradi “Gazeta.ru”. 

“Shubhasiz, Yanukovich Ukrainaga qaytish niyatida. Uning Rossiyada bo‘lib turishi vaqtinchalik, majburiy chora”, — dedi Serdyuk.

Advokat Yanukovich ketishiga sabab bo‘lgan holatlar “hal bo‘lishi yoki bartaraf etilishi”ga umid bildirdi. Yanukovich Rossiyada qonuniy asoslarda bo‘lib turganini ta’kidladi.