Filippe Koutinyo debyut qildi va “Barselona” Ispaniya Kubogining yarim finaliga yo‘l oldi

Kataloniyaning “Barselona” klubi futbol bo‘yicha Ispaniya Kubogining yarim finaliga yo‘l olgan so‘nggi jamoaga aylandi. Bunga qadar “Sevilya”, “Valensiya” va “Leganes” klublari shunday baxtga ega chiqqandi.

Chorak finalning birinchi o‘yinida “Espanyol”dan 0:1 hisobida yengilgan “Barselona”, javob o‘yinida buning uchun o‘ch oldi va raqibi darvozasiga javobsiz 2 ta gol urishga erishdi. Shu kuni jamoaning yangi xaridi bo‘lgan Filippe Koutinyo kataloniyaliklar safida debyut qildi. Futbolchi 68-daqiqada Andres Inyestaning o‘rniga maydonga tushirildi.

Ispaniya Kubogi

Chorak final

25-yanvar, payshanba

Gollar: Luis Suares, 9 (1:0). Lionel Messi, 25 (2:0).

Dastlabki o‘yin: 0:1