AQSh davlat departamenti Rossiyani BMTning KXDR bo‘yicha rezolyutsiyalarini buzishda aybladi

AQSh Davlat departamenti Rossiyani BMTning KXDRga nisbatan rezolyutsiyalarini buzishda aybladi. Bu haqda Davlat departamenti rasmiy vakili Xizer Nauert Twitter’dagi sahifasida ma’lum qildi, deb yozadi “Gazeta.ru”.

“Rossiyani Shimoliy Koreya bilan Rossiya portlari orqali ko‘mir bilan noqonuniy savdo to‘g‘risida ogohlantirdik. Rossiya BMT Xavfsizlik kengashining barcha rezolyutsiyalariga rioya qilishi, biroq ularning bajarilishini ta’minlamasligi va KXDRning noqonuniy xulq-atvorini rag‘batlantirmasligini ma’lum qildi. Ortiq bahonalarga vaqt yo‘q”, — deb yozdi Nauert.